İaşə və məişət xidmətləri sahəsində fəaliyyət göstərən “Caspian Catering”ə cərimə yazılıb.

İqtisadiyyat.az xəbər verir ki, buna səbəb şirkətin əcnəbilərin və vətəndaşlığı olmayan şəxslərin işə cəlb edilməsi qaydasını pozmasıdır.

Buna görə də Dövlət Miqrasiya Xidməti tərəfindən şirkət barəsində İnzibati Xətalar Məcəlləsinin (İXM) 578.1-ci maddəsinə əsasən cərimə tətbiq edilib.

Daha sonra protokol baxılması üçün Səbail Rayon Məhkəməsinə göndərilib və iş hakim Ülviyyə Şükürovanın sədrliyi ilə araşdırılacaq.

Protokol tərtib olunan maddədə deyilir ki, işəgötürən tərəfindən Miqrasiya Məcəlləsinin tələbləri pozulmaqla iş icazəsi alınmadan əcnəbinin və ya vətəndaşlığı olmayan şəxsin işə cəlb edilməsinə görə vəzifəli şəxslər üç min manatdan dörd min manatadək məbləğdə, hüquqi şəxslər on beş min manatdan iyirmi min manatadək məbləğdə cərimə edilir.