Geyim bazarında qlobal gəlirin 2024-2028-ci illər arasında 11,17% artacağı proqnozlaşdırılır.

İqtisadiyyat.az-ın araşdırmasına görə, 2028-ci ildə geyim bazarının gəliri rekord səviyyəyə çata bilər.

Araşdırmalara görə, ABŞ və Çin digər ölkələrlə müqayisədə geyim bazarından əhəmiyyətli dərəcədə yüksək gəlir əldə edirlər. Buna görə də iki ölkənin beynəlxalq ticarətdə mühüm rol oynaması təəccüblü deyil.

Dünyada ən çox geyim və ayaqqabı idxal edən ölkə 548,5 milyard dollar ilə ABŞ-dir. Çin və Hindistan isə ən çox geyim istehsal edən ölkələr hesab olunur.

Son illərdə təchizat zənciri problemləri və inflyasiya kimi iqtisadi amillər geyim sənayesinə təsir göstərib. Mütəxəssislərin yalnız dörddə biri 2024-cü il üçün proqnoza müsbət yanaşır.

Bəs dünya əhalisi geyimə nə qədər pul xərcləyir?

Qeyd edək ki, "Nike" 2023-cü ildə 74,8 milyard dollarla dünyanın ən dəyərli geyim markası olub.

Əlavə edək ki, bu ilin birinci yarısında Azərbaycan 181,4 milyon ABŞ dolları dəyərində geyim əşyaları və geyim üçün ləvazimatlar idxal edib. Bu, 2023-ci ilin eyni ayları ilə müqayisədə 14 milyon dollar çoxdur.

Gözəl Həşimova