Dünyanın ən böyük qəhvəxanalar şəbəkəsinə sahib olan “American Starbucks” 2024-cü maliyyə ilinin üçüncü rübündə xalis mənfəətini 7,6%, gəlirini isə 0,6% azaldıb.
İqtisadiyyat.az xarici mediaya istinadən xəbər verir ki, aprel-iyun aylarında şirkətin xalis gəliri 1,055 milyard dollar və ya hər bir səhm üçün 93 sent olub. Ötən ilin eyni dövrü ilə müqayisədə isə bu göstərici 1,142 milyard dollar və ya hər bir səhm üçün 99 sent olub.
Məlumata görə, “Starbucks”un gəliri 9,168 milyard dollardan 9,114 milyard dollara qədər azalıb. Üçüncü maliyyə rübündə dünya üzrə “Starbucks” qəhvəxanalarının sayı 526 ədəd artaraq 39,477 min müəssisəyə çatıb. Qeyd olunub ki, ABŞ-də 16,73 mini, Çində isə 7,306 mini “Starbucks” qəhvəxanası fəaliyyət göstərir.
Çərşənbə günü ilkin ticarətdə şirkətin birja kotirovkaları 3,2% artıb.
Sadiq Cavadov
