Ötən il üzrə dünyanın aparıcı 10 geyim markasının dəyəri açıqlanıb.

Bu barədə İqtisadiyyat.az dünya statistikasına istinadən xəbər verir.

İlk on aparıcı geyim markası arasında idman geyimi brendləri üstünlük təşkil edib. Statistikaya görə, ötən il dünyanın ən dəyərli geyim markası 74,8 milyard dollarla "Nike" olub. Şirkət, həmçinin 2022-ci ildə 49 milyard dollarla aparıcı idman geyim markaları arasında ən yüksək gəlir əldə edib.

Hesabat dövründə "Shein" 24,2 milyard dollarla ikinci, "Zara" isə 18,4 milyard dollarla üçüncü yerdə qərarlaşıb.

Dünyanın ən qiymətli geyim markalarının reytinqi isə belədir:

Marka

Dəyəri

Nike

74,8 milyard dollar

Shein

24,2 milyard dollar

Zara

18,3 milyard dollar

Lululemon

16,5 milyard dollar

UNIQLO

12,1 milyard dollar

Adidas

11,8 milyard dollar

H&M

4,4 milyard dollar

Anta

3,1 milyard dollar

Li Ning

3 milyard dollar

Puma

2,9 milyard dollar

 

Əlavə edək ki, geyim sənayesi qlobal iqtisadiyyat üçün böyük əhəmiyyət kəsb edir.  Proqnozlara görə, qlobal geyim sənayesi böyüməyə davam edəcək və dünya üzrə geyim bazarının gəliri 2027-ci ildə təxminən 2 trilyon dollara çatacaq.

Qeyd edək ki, ötən il Azərbaycan 415 milyon ABŞ dolları dəyərində geyim əşyaları və geyim üçün ləvazimatlar idxal edib.

 

Gözəl Həşimova