Artıq yeni tədris dövrünə sayılı günlər qalıb. Bəzi hallarda sosial şəbəkələrdə tələbələrin təhsil haqqının ödənməsi üçün yardım kampaniyalarının keçirilməsinə rast gəlinir. 

Maarqlıdır ki, təhsil haqqını ödəyə bilməyən tələbələr üçün güzəştlər mövcuddur? 

 

Universitetlərin regionlarda filialı açılmalıdır, lakin..." - Ekspertdən TƏKLİF

 

Mövzu ilə bağlı təhsil eksperti Adil Vəliyev İqtisadiyyat.az-a açıqlamasında bildirib ki, ölkəmizdə təhsilin inkişafına xüsusi diqqət göstərilir və bu fonda imkansız tələbələr üçün güzəştlər tətbiq olunub:

"Son 15 gündür ki, təhsil haqqını ödəyə bilməyən tələbələrin paylaşımları sıx şəkildə müşahidə olunur. Hətta həmin tələbələrin yaxın çevrəsi də dəstək xarakterli paylaşımlar edirlər. Əslində bu cür paylaşımlara ehtiyac yoxdur. Çünki təhsil müəssisəsinə qəbul olan abituriyent 250 bal və yuxarı nəticə toplayıbsa, rahat şəkildə Təhsil Tələbə Krediti Fonduna müraciət edə bilər. Növbəti semestrlərdə tələbə ortalama 71 balı toplaya bilərsə, yenə də bu imkandan yararlana bilər. Ali təhsil pilləsinin bakalavriat (əsas (baza ali) tibb təhsili) və magistratura (rezidentura) səviyyələrində, orta ixtisas təhsili pilləsində və peşə təhsili pilləsinin yüksək texniki peşə təhsili səviyyəsində əyani təhsil alan ödənişli tələbələr TTK almaq hüququna malikdirlər. Ümumilikdə güzəştlə bağlı standart və sosial paket növləri var. Tələbə istədiyi paketi seçə bilər. İnsanlarımız xeyriyyə işlərini yenə də davam edə bilərlər, sadəcə təhsil haqqı üçün dövlət tərəfindən güzəştin tətbiq olunduğunu unutmaq olmaz. 

Yaxşı olar ki, hansısa görkəmli şəxsimizin adına təqaüd proqramı hazırlansın. Bu proqram vasitəsilə müvafiq şərtlər əsasında tələbələrə təqaüd verilsin. Fikrimcə, bu tələbələr üçün daha böyük motivasiya olar".

Qeyd edək ki, bu günə qədər 7632 tələbə kredit almaq üçün müraciət edib.

Gülşən Şərif