Hazırda insan alveri cinayəti törətməkdə təqsirləndirilən 12 (+1) nəfərin İnterpol kanalları ilə beynəlxalq axtarışı davam etdirilir.

İqtisadiyyat.az xəbər verir ki, bu, İnsan alverinə qarşı mübarizə üzrə Milli Koordinatorun 2023-cü il üzrə illik məlumatında əksini tapıb.

İnsan alveri cinayətinə görə İnterpol kanalları vasitəsilə beynəlxalq axtarışda olan şəxslərin - Türkiyədə 9 nəfər, Pakistan, BƏƏ, Rusiyada isə hər birində 1 nəfər olmaqla 3 nəfərin gizləndiyi ehtimal olunur.

Qeyd edilib ki, həmin şəxslərin gizləndikləri ölkələr və barələrində digər zəruri məlumatlar əldə edilərək onların ikitərəfli və çoxtərəfli qarşılıqlı hüquqi yardım haqqında müqavilələrin tələblərinə uyğun ekstradisiyası üçün aidiyyəti üzrə müraciətlər ünvanlanıb.