Fransa millisinin 25 yaşlı hücumçusu Kilian Mbappe "Real Madrid"də illik 15 milyon avro maaş alacaq.
İqtisadiyyat.az xəbər verir ki, bu haqda "Sky Sports" məlumat yayıb.
Mbappe iyunda azad agent kimi Fransa çempionu PSJ-ni tərk edəcək və Kral Klubu ilə 5 illik müqavilə imzalayacaq. 2029-cu ilə qədər Mbappe də Madrid klubunda ümumilikdə 150 milyon avro mükafat alacaq.
Cari mövsümdə Mbappe PSJ-nin heyətində 47 matçda iştirak edib, 44 qol vurub və 10 məhsuldar ötürmə edib.
Transfermarkt Mbappenin transfer dəyərini 180 milyon avro qiymətləndirir.
