Sumqayıt şəhərində iki avtomobil toqquşub.

İqtisadiyyat.az xəbər verir ki, hadisə Tağıyev qəsəbəsi, S.Vurğun küçəsi, kompressor zavodunun yaxınlığında qeydə alınıb.

1981-ci il təvəllüdlü Qəhrəmanov Vaqif Yarış oğlunun idarə etdiyi "Grand-Cheroke" markalı avtomaşınla 1990-cı il təvəllüdlü Rəhmanov Tural Nayıb oğlunun idarə etdiyi "Opel-Astra" markalı avtomaşın toqquşub.

"Opel" markalı avtomaşının sürücüsü Tural Rəhmanov qapalı kəllə beyin travması, baş beyin silkələnməsi və üzün kəsilmiş yarası, həmin avtomaşında olan digər sərnişinlər: Məhərrəmova Səyyarə Bayram qızı qapalı kəllə beyin travması, baş beyin silkələnməsi, Pənahova Aynurə Zöhrab qızı qapalı kəllə beyin travması, baş beyin silkələnməsi, Şirinova Səma Vüqar qızı sağ aşağı ətrafın əziyi xəsarəti alıblar.

1985-ci il təvəllüdlü Nəzərov Ramin Yaqub oğlu aldığı xəsarətlərdən hadisə yerində ölüb.

Faktla bağlı ibtidai istintaq aparılır.