Sentyabrın 2-də “European Tobacco Baku” ASC-nin səhmdarlarının növbədənkənar ümumi yığıncağı keçiriləcək.

İqtisadiyyat.az xəbər verir ki, yığıncağın gündəliyi açıqlanmayıb.

Qeyd edək ki, “European Tobacco Baku” ASC tütün məhsulları istehsal edən şirkətdir. Şirkətin nizamnamə kapitalı 44 635 220 manatdır.

Xatırladaq ki, Azərbaycanda ölkəyə gətirilən siqaretlərin akzis dərəcəsi artırılıb. Nazirlər Kabinetinin iyulun 24-də verdiyi qərarına əsasən, tərkibində tütün olan siqarlar, o cümlədən ucları kəsilmiş siqarlar və tərkibində tütün əvəzləyicisi olan siqarillaların hər 1 000 ədədi üçün aksiz vergisi 43 manatdan 45,5 manata, tərkibində tütün olan siqaretlər və tərkibində tütün əvəzləyicisi olan siqaretlərin hər 1 000 ədəd üçün aksiz vergisi 46,5 manatdan 53,5 manata, alışdırılmadan nəfəsə çəkilmək üçün nəzərdə tutulmuş tərkibində tütün və ya bərpa edilmiş tütün olan məhsulların hər 1 000 ədədi üçün aksiz vergisi 14 manatdan 16 manata, birdəfəlik istifadə olunan elektron siqaret, qəlyan və onların əvəzedicilərinin hər ədədi üçün aksiz vergisi 0,25 manatdan 2 manata qaldırılıb. Hökumətin bu qərarı avqustunb 24-də qüvvəyə minəcək.