Azərbaycan Bank Tədris Mərkəzi (ABTM) adını və təşkilati-hüquqi formasını dəyişir.

İqtisadiyyat.az xəbər verir ki, bu barədə Mərkəz özü elan edib.

Qeyd edilir ki, kommersiya təşkilatı adını və təşkilati-hüquqi formasını dəyişərək Azərbaycan Bank və Maliyyə Tədris Mərkəzi Məhdud Məsuliyyətli Cəmiyyətinə çevrilir.

Xatırladaq ki, Azərbaycan Bank Tədris Mərkəzi (ABTM) Azərbaycan Mərkəzi Bankının təşəbbüsü və dəstəyi, Azərbaycan Banklar Assosiasiyasının təsisçiliyi və yaxından köməyi, Avropa Birliyi TACİS proqramının texniki yardımı ilə 2000-ci ilin fevral ayında yaradılıb. ABTM bank işi ilə yanaşı, sığorta və lizinq işi, yumşaq vərdişlər və idarəetmə mövzuları üzrə geniş çeşidli təlim xidmətləri göstərir.