Dünyanın ən zəngin 10 milyaderinin sərvəti bu ilin yanvar ayından bəri 420,5 milyard dollar artıb.

İqtisadiyyat.az xəbər verir ki, bu barədə "Bloomberg Milyarderlər İndeksi" məlumat yayıb.

Məlumata görə, reytinq sahibkarların pay sahibi olduğu şirkətlərin səhmlərinin dəyəri əsasında hesablanır. Hesabata əsasən, "Tesla" və "SpaceX"in qurucusu İlon Mask hələ də planetin ən zəngin adamıdır. İlin əvvəlindən bəri onun sərvəti 98,4 milyard dollar artaraq 235 milyard təşkil edib.

İkinci yerdə Fransanın lüks mallar istehsalçısı "LVMH" şirkətinin sahibi Bernard Arno qərarlaşıb. Onun sərvəti bu ilin əvvəlindən 23,9 milyard dollar artaraq 186 milyard dollar olub. "Amazon"un qurucusu Ceff Bezos bu siyahıda üçüncü yerdədir. İlin əvvəlindən bəri iş adamının sərvəti 55,4 milyard dollar artaraq 162 milyard dollar təşkil edib.

 

Gözəl Həşimova