“Bank Respublika” 2018-ci ilin maliyyə göstəricilərinə dair hesabatını açıqlayıb. Hesabata əsasən, Bank ötən il pozitiv dinamikanı davam etdirməyə müvəffəq olmaqla, əla əməliyyat və maliyyə nəticələri nümayiş etdirib.

Hesabata əsasən, bankın kapitalında 30% artım, aktivlərində 40% artım, kredit və depozit portfelindəisə 50% artım qeydə alınıb, qeyri-işlək kreditlərinin payı isə 2 dəfə azalaraq, 5%-dən aşağı düşüb.

Nəticədə, bankın xalis faiz mənfəəti üç dəfə artaraq 25 milyon manat təşkil edib, bankın xalis əməliyyat mənfəəti isə 85% artaraq 9 milyon manatı keçib.

“2018-ci il bank üçün çox uğurlu olub, bunu biznesin bütün sahələri üzrə əldə etdiyimiz uğurlu maliyyə nəticələri təsdiqləyir. Bu ölkə üzrə bütün müştərilərə keyfiyyətli maliyyə xidmətləri göstərməyə çalışan komandamızın gərgin əməyinin nəticəsidir.

Bu il biz kredit portfelinin sağlamlaşdırılmasıüzrə işləri və bankın yeni biznes strategiyasına uyğun olaraq struktur dəyişikliklərini yekunlaşdırdıq.

Bu nəticənin əldə olunmasında bizimlə əməkdaşlıq edən və öz töhfəsini verən bütün müştərilərimizə və tərəfdaşlarımıza təşəkkür edirik! Ötən il əldə etdiyimiz uğurlar bizə gələcəyə inamla baxmağa və 2019-cu il üçün daha iddialı planlar qurmağa imkan verir”, – deyə “Bank Respublika”nın Müşahidə Şurasının sədri Şakir Rəhimov qeyd edib.

Ətraflı məlumatı Bankın rəsmi internet saytından, “Facebook” səhifəsindən, eləcə də, 144 Əlaqə Mərkəzindən əldə edə bilərsiniz.