Böyük Britaniya Rusiya və Çin arasında qarşılıqlı əlaqələrin güclənməsindən narahatdır. 

İqtisadiyyat.az xəbər verir ki, bunu Böyük Britaniyanın müdafiə naziri Qrant Şapps Rusiya prezidenti Vladimir Putinin Çinə dövlət səfərini şərh edərkən deyib.

"Mən bundan çox narahatam, çünki hər iki ölkə demokratiyaya inanmır", - o, "Sky News"a müsahibəsində qeyd edib.

Şapps Rusiya Federasiyası və Çinin digər ölkələrdə öz dəyər sistemini yaymağa və dünyanı öz tərzlərində yenidən formatlamağa çalışmasını Qərb üçün "birbaşa təhlükə" adlandırıb.