Fransa hökuməti və Avropa İttifaqı (Aİ) bu il şəraba olan tələbatın azalmasından əziyyət çəkən fransız şərabçılarına yardım üçün 200 milyon avro ayıracaq.

İqtisadiyyat.az "France 24"ə istinadən xəbər verir ki, bu barədə Fransanın Kənd Təsərrüfatı naziri Mark Fesno bildirib.

Onun sözlərinə görə, bu ilin fevral ayında təsdiqlənmiş Avropa İttifaqının 160 milyon avroluq yardımına Fransa 40 milyon avro əlavə edib. Bundan əlavə, hakimiyyət şərab zavodlarına üzüm bağlarının bir hissəsini kəsmək üçün kömək etməyə hazırdır.

 

Gözəl Həşimova