Düşənbədə Seçki Qrupunun Toplantısı çərçivəsində “Yaşıl iqtisadiyyat iqtisadiyyatların inkişafı üçün alternativ kimi” mövzusunda müzakirə paneli təşkil edilib.
İqtisadiyyat.az xəbər verir ki, Mərkəzi Bankın sədr müavini Əliyar Məmmədyarov panel müzakirəsində iştirak edib. "Yaşıl maliyyə"nin inkişafından danışan Ə.Məmmədyarov dayanıqlı iqtisadiyyata keçidin zərurətə çevrildiyini, maliyyə sektorunun bu prosesin dəstəklənməsində böyük rola malik olduğunu vurğulayıb. O, həmçinin yaşıl maliyyə üçün funksional ekosistemin qurulması istiqamətində Mərkəzi Bank tərəfindən həyata keçirilən strateji təşəbbüslərdən danışıb.
