Qəzaya uğramış MİQ-29 hərbi təyyarəsinin pilotu Rəşad Atakişiyev sabiq dövlət müşaviri Qabil Hüseynlinin kürəkənidir.
İqtisadiyyat.Az xəbər verir ki, bu barədə Yenicag.az-a açıqlama verən Qabil Hüseynli məlumatı təsdiq edib. O, bildirib ki, Rəşad haqqında hələ ki heç bir xəbər yoxdur:
“Müdafiə Nazirliyinin yaydığı rəsmi xəbərdən başqa heç bir məlumatımız yoxdur. “Nasosnu”da dənizin kənarında oturub xəbər gözləyirik. Ümidimiz dövlətin axtarışla bağlı apardığı səylərədir”.
Qeyd edək ki, iyulun 24-də saat 22-00-da plana uyğun olaraq, gecə vaxtı təlim-məşq uçuşları keçirən Hərbi Hava Qüvvələrinin (HHQ) MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib.
