Azərbaycan Respublikası Dövlət Gömrük Komitəsi xətti ilə büdcəyə daxilolmaların həcmi açıqlanıb.
2021-ci ilin oktyabr ayında gömrük xətti ilə büdcəyə 367 055 800 manat vəsait daxil olub.
Bu, əvvəlki ayın (sentyabr 2021-ci il) göstəriciləri ilə müqayisədə 4,2 faiz az, ötən ilin oktyabr ayı ilə müqayisədə isə 17,7 faiz çoxdur.
Oktyabr ayı ərzində gömrük rüsumu üzrə 84 684 900 manat, ƏDV üzrə 214 940 200 manat, aksizlər üzrə 11 929 400 manat, yol vergisi üzrə 2 852 500 manat vəsait büdcəyə cəlb edilib.
İlin yanvar-oktyabr ayları ərzində gömrük xətti ilə büdcəyə 3 560 302 800 manat vəsait köçürülüb ki, bu da 2020-ci ilin müvafiq dövrü ilə müqayisədə 8,9 faiz çoxdur.
Qeyd edək ki, 2020-ci ilin yanvar-oktyabr ayları ərzində büdcəyə 3 269 642 300 manat vəsait daxil edilib.
