ABŞ hökumətinin büdcə kəsiri iyulda 243,74 milyard dollar təşkil edib ki, bu da ötən ilin analoji dövründən 10,4% çoxdur.
İqtisadiyyat.az xəbər verir ki, bu barədə ölkənin Maliyyə Nazirliyi məlumat yayıb.
Hesabat dövründə ABŞ büdcəsinin gəliri 19,6% artaraq 330,377 milyard dollara, xərci isə 15,5% artaraq 574,119 milyard dollara yüksəlib.
Ötən ilin oktyabrın 1-dən başlayan 2024-cü maliyyə ilinin on ayı ərzində ABŞ-nin büdcə kəsiri 6% azalaraq 1,517 trilyon dollara çatıb.
Qeyd edək ki, 2020-ci maliyyə ilinin sonunda ölkədə 3,1 trilyon dollarlıq rekord büdcə kəsiri qeydə alınıb. Sonuncu dəfə büdcə profisiti 2001-ci maliyyə ilində olub.
Gözəl Həşimova
