Mina və partlamamış hərbi sursat təmizləmə işlərində iştirak etmək üçün ABŞ-dən Azərbaycana daha iki it gətirilib.
İqtisadiyyat.az xəbər verir ki, bu barədə ABŞ-nin Azərbaycandakı səfiri Mark Libby “X” platformasında məlumat paylaşıb.
Səfir itləri hava limanında qarşıladıqlarını və onların ANAMA-ya təqdim ediləcəyini bildirib.
“Berta və Dum ANAMA-nın minaları və partlamamış hərbi sursatları təmizləmək missiyasına qoşulmaq üçün Azərbaycana gəlmiş altı minatəmizləyici itdən ikisidir. İtlər və onların zəhmətkeş ABŞ və Azərbaycan təlimçiləri Azərbaycanda icmaların daha təhlükəsiz şəraitində yaşayışı təmin etməkdə mühüm rol oynayırlar” – səfir əlavə edib.
“Bu gün Danusia və mən hava limanında dördayaqlı qəhrəmanlardan ibarət VIP nümayəndə heyətini 🐕 qarşılamaq şərəfinə nail olduq. Berta və Dum @ANAMA_gov_az -ın minaları və partlamamış hərbi sursatları təmizləmək missiyasına qoşulmaq üçün Azərbaycana gəlmiş altı minatəmizləyici… pic.twitter.com/hZ7FN18i6M
— U.S. Embassy Baku (@USEmbassyBaku) September 20, 2024