Elxan Nəcəfov Naxçıvan Muxtar Respublikası təhsil nazirinin müavini təyin edilib.

İqtisadiyyat.az xəbər verir ki, bu barədə Naxçıvan Muxtar Respublikası Ali Məclisi sədrinin müavini Anar İbrahimov Sərəncam imzalayıb.

Sərəncama əsasən, Elxan Nəcəfov həm də Naxçıvan Muxtar Respublikasının təhsil nazirinin səlahiyyətlərini müvəqqəti icra edəcək.

O, bu gün kollektivə təqdim edilib.

Qeyd edək ki, 1982-cildə Babək rayonunun Nehrəm kəndində anadan olan Nəcəfov Elxan Tarqulu oğlu bu təyinatadək Lənkəran-Astara Regional Təhsil İdarəsinin müdiri vəzifəsində çalışıb.

***

Elm və Təhsil Nazirliyinin Lənkəran-Astara Regional Təhsil İdarəsinin müdiri Elxan Nəcəfov vəzifəsindən azad olunub.

İqtisadiyyat.az-ın əldə etdiyi məlumata görə, bununla bağlı müvafiq əmr imzalanıb.

Məlumata görə, İdarə müdirinin bu vəzifədən azad olunması daha yüksək vəzifəyə təyin olunması ilə əlaqədardır.

Amma yeni təyinat barədə hələlik bir məlumat yoxdur.

Qeyd edək ki, E.Nəcəfov bu ilin aprel ayında Lənkəran-Astara Regional Təhsil İdarəsinin müdir vəzifəsinə təyin olunmuşdu.