Höteborq Universitetinin alimləri müəyyən ediblər ki, COVID-19-a qarşı peyvənd bu infeksiya ilə bağlı ürək-damar xəstəliklərinin inkişaf riskini azaldır.

İqtisadiyyat.az xəbər verir ki, araşdırmanın nəticələri “European Heart Journal”da (ENJ) dərc edilib.

Alimlər 2020-ci ilin sonundan 2022-ci ilin sonuna qədər COVID-19 peyvəndlərinin başlanmasından təxminən iki il ərzində səkkiz milyondan çox yetkin könüllünü izləyiblər. Tədqiqatçılar hər peyvənddən sonra insanların ürək-damar sağlamlığını təhlil edib və peyvənd olunmayanlarla müqayisə ediblər.

Vaksinasiyanın ürək əzələsinin və ya perikardın iltihabi xəstəliklərinin, ürək aritmiyasının, ürək çatışmazlığının və insultların riski təsirinə xüsusi diqqət yetiriblər.

Onlar aşkar ediblər ki, ümumilikdə insanların peyvənd olunmayanlarla müqayisədə peyvəndi tamamladıqdan sonra ürək-damar xəstəlikləri riski 20-30% daha azdır.

Tədqiqatçılar qeyd ediblər ki, peyvəndin birinci və ikinci dozasından sonra xüsusilə yaşlı insanlarda və kişilərdə ekstrasistolların, yaxud əlavə ürək döyüntülərinin yaranma ehtimalı müvəqqəti olaraq artıb. Lakin peyvənddən sonra ciddi ürək aritmiya riski artmayıb, insult riski isə azalıb.