Ukrayna Müstəqil Dövlətlər Birliyinin (MDB) hidrometeorologiya sahəsində əməkdaşlıq haqqında sazişindən çıxıb.

İqtisadiyyat.az xəbr verir ki, bu barədə Ukrayna hökumətinin Ali Radadakı nümayəndəsi Taras Melniçuk öz teleqram kanalında bildirib.

Ukrayna həmçinin sazişin iki protokolundan da çıxıb. Sənəd 1992-ci ildə Moskvada imzalanıb.

Ukrayna mütəmadi olaraq Rusiya, Belarusla, eləcə də MDB çərçivəsində bağlanmış müqavilələrdən çıxır. Beləliklə, sentyabr ayında Ukrayna istehsalat qəzalarının araşdırılmasına dair MDB sazişindən çıxıb.

İyulda Ukrayna birliyə üzv ölkələrin ərazilərindən tranzit proseduru haqqında MDB sazişindən çıxmaq qərarına gəlib. Həmin müqavilə 1999-cu ildə Minskdə bağlanıb və Kiyev 2001-ci ilin fevralında onu ratifikasiya edib.