Gürcüstan prezidenti Salome Zurabişvili litvalı həmkarı Gitanas Nauseda ilə telefon danışığı zamanı Gürcüstanda qəbul edilən xarici agentlər haqqında qanun layihəsini müzakirə edib.

İqtisadiyyat.az xəbər verir ki, bu barədə Gürcüstan liderinin administrasiyası məlumat yayıb.

Nauseda bu qanun layihəsi ilə bağlı narahatlığını bildirib, çünki bu təşəbbüs Gürcüstanın Aİ-yə inteqrasiya prosesinə təsir göstərə bilər. Onun sözlərinə görə, Litva Gürcüstan vətəndaş cəmiyyətinin Avropa gələcəyinə dair istəklərini dəstəkləyir.

Gürcüstan Prezidenti litvalı həmkarına göstərdiyi dəstəyə görə təşəkkür edib. Zurabişvili vurğulayıb ki, Gürcüstan oktyabrın 26-na təyin edilmiş parlament seçkiləri vasitəsilə Avropadakı gələcəyini müdafiə etməyə davam edəcək.