Gürcüstan hökuməti ABŞ ilə strateji tərəfdaşlığını təhlükə altına salır.
İqtisadiyyat.az xəbər verir ki, bunu ABŞ-nin gürcü-amerikan hərbi təlimlərini qeyri-müəyyən müddətə təxirə salmaq qərarı ilə bağlı Gürcüstan Prezidenti Salome Zurabişvili deyib.
ABŞ Müdafiə Nazirliyi elan edib ki, 2024-cü ilin yayına planlaşdırılan ABŞ-Gürcüstan birgə təlimi strateji münasibətlərə yenidən baxılması səbəbindən qeyri-müəyyən müddətə təxirə salınıb.
"Gürcüstan hökuməti xarici agentlər haqqında qanunu qəbul etməklə və amerikalı tərəfdaşların təhqiri və onlara qarşı ittihamlar nəticəsində Avropa yolunu təhlükəyə atdılar. İndi müdafiə qüvvələrimizin gücləndirilməsi və NATO standartlarına yaxınlaşmanın əsaslandığı strateji tərəfdaşlığımız təhlükə altındadır", - Zurabişvili "Facebook"da yazıb.
