"Rusiya ilə Ukrayna arasındakı münaqişənin nəticəsi heç kəsin xoşuna gəlməyəcək. Bunun necə olacağını bilmirəm, amma hamının xoşbəxt olacağına əmin deyiləm".
İqtisadiyyat.az xəbər verir ki, bunu Ukrayna prezidenti Volodimir Zelenski "Fox News" kanalına müsahibəsində deyib.
O, həmçinin 61 milyard dollarlıq hərbi yardım paketinə görə ABŞ hakimiyyətinə təşəkkür edib: " Hərbi yardımın mümkün qədər tez gələcəyinə ümid edirəm. Əks halda, Rusiya ordusu Ukrayna qoşunlarını geri çəkəcək".
Qeyd edək ki, aprelin 24-də ABŞ prezidenti Co Bayden Ukraynaya yardım üçün 61 milyard dolların ayrılması haqqında qanun imzalayıb.
Gözəl Həşimova
