İqtisadiyyat.az xəbər verir ki, Zelenskinin sözlərinə görə, artıq diplomatik danışıqlara başlamağın vaxtı çatıb:

"Rusiya silahla qələbə qazanmaq istəyirdi, amma məqsədinə çata bilmədi. Ukrayna isə kimsənin inanmamasına baxmayaraq, müstəqilliyini qorumağı bacardı. Lakin danışıqlar ədalətli olmalıdır".

O əlavə edib ki, Ukrayna Rusiya ordusundan qorxmur, amma daha çox itki verməmək üçün güclü təhlükəsizlik təminatına ehtiyac var.

Zelenski bəzi Qərb ölkələrinin Ukraynanın NATO-ya üzvlüyünü dəstəkləmədiyini və bunun ölkəsinin müdafiə gücünü artırmağı zəruri etdiyini bildirib:

"ABŞ-nin göstərdiyi dəstək yetərli deyil, bəzi Qərb dövlətləri NATO-ya üzvlüyümüzü açıq şəkildə dəstəkləmir. Buna görə də Ukrayna ordusu daha da güclənməlidir və biz torpaqlarımızın işğalına heç vaxt razı olmayacağıq".