"TASS müxbirlərinin Paralimpiya Oyunlarını işıqlandırmaq üçün akkreditasiyalarının ləğvi Fransa hakimiyyətinin demokratik cəmiyyət normalarına açıq-aşkar sadiq olmadığını göstərir".
İqtisadiyyat.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
"Paris bir daha demokratik cəmiyyətin normalarına xəyali sədaqətini açıq şəkildə nümayiş etdirdi. Praktikada jurnalistlərin məqbul olmayan və olanlara bölündüyü bir dövlətdə medianın plüralizmindən və söz azadlığından söhbət gedə bilməz. Rusiya idmançılarına və yerli KİV-lərə qarşı sistematik təzyiqlər fonunda IPC-nin (Beynəlxalq Paralimpiya Komitəsi - red.) bəyanatı bunu səssiz təsdiqləmək kimi qiymətləndirilə bilər", - diplomat vurğulayıb.
Zaxarovanın sözlərinə görə, Moskva bu hadisəni Paralimpiya təşkilatı komitəsinin siyasi qərəzinin təzahürü kimi qiymətləndirir.