"Qərbin Cənubi Qafqazda rusofob ambisiyaları aradan qalxmayıb. Biz dəfələrlə Qərb dövlətlərinin regiondakı destruktiv fəaliyyətinə toxunmuş və bu məsələ ilə bağlı geniş şərhlər vermişik".
İqtisadiyyat.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.
"Məhz bu baxımdan, Makronun Ermənistana elan etdiyi səfər bu paradiqma ilə qurulacaq", - o qeyd edib.
Onun sözlərinə görə, Ermənistanın KTMT ilə tam əməkdaşlığa qayıtması üçün qapılar açıqdır.
"Son nəticədə bu ölkənin sabitliyinin qarantı kimi KTMT və Rusiyaya alternativ yoxdur. Bu, illərlə deyil, əsrlər boyu sınaqdan keçirilib. Bu, erməni xalqı tərəfindən yüksək qiymətləndirilir.
Yeri gəlmişkən, bu, Ermənistanın tarixində, çap olunan saxta dərsliklərə baxmayaraq, yenidən yazıla bilməyən tarixdə qeydə alınıb", - Zaxarova vurğulayıb.