Yunanıstan hakimiyyəti qeyri-qanuni miqrantların ölkəyə qeyri-qanuni daxil olmasının qarşısını almaq üçün Türkiyə sərhədinə yaxın Yenibosna kəndində müvəqqəti metal hasar çəkməyə qərar verib.
İqtisadiyyat.az xəbər verir ki, Yunanıstan mətbuatında yer alan xəbərə görə, Baş Qərargah rəisi Konstantinos Floros son günlər ölkəyə daxil olan qeyri-qanuni miqrantların sayında artım olduğu iddialarından sonra Türkiyə sərhədində müvəqqəti hasar çəkilişi əmri verib.
Müvəqqəti hasarın 100 metr uzunluğunda olacağı açıqlanıb.
Yunanıstanda Türkiyənin qeyri-qanuni mühacirlərin qeyri-qanuni yollarla keçməsinə “icazə verdiyi” iddia edilib və iddiaların reallığı əks etdirmədiyi bildirilib.
“İn.gr” xəbər portalının adı açıqlanmayan hökumət rəsmiləri və hərbi mənbələrə istinadən verdiyi xəbərdə Afina hökumətinin Türkiyənin Maritsa və Egeydə qeyri-qanuni miqrantların keçməsinə icazə verdiyinə dair iddiaları əsaslandıracaq heç bir dəlilin olmadığı vurğulanıb.
Xəbərdə qaynaqların Meriçdəki vəziyyətlə bağlı "hər zamankı iş" ifadəsini işlətdiyi, Yunanıstana keçən qeyri-qanuni miqrantların sayının artmasının Meriç çayında suyun səviyyəsinin azalması ilə əlaqədar olduğu qeyd edilib.
