Yunanıstanın Peloponnes bölgəsində 79 nəfərin öldüyü miqrant fəlakəti ilə bağlı yeni iddialar yayılıb. Nasaz qayıqla ölüm səyahətinə çıxan immiqrantların adambaşına 6 min 500 dollar ödədiyi öyrənilib. Sağ qalanların ifadələri ilə yanaşı, dəhşətli faciənin digər təfərrüatları da üzə çıxıb.
İqtisadiyyat.az dünya mediasına istinadən xəbər verir ki, təxminən 700 immiqrantın olduğu qayığın dənizə buraxılmasından az sonra mühərrikində nasazlıq yaranıb.
Mühacirlər geri qayıtmaq istəsələr də qaçaqmalçılar buna imkan verməyib. Etiraz edən mühacirləri kəndirlə döyüblər. Nəticədə dənizin ortasında mühərriki dayanan qayıq saniyələr ərzində batıb.
Qeyd edək ki, sağ qalanların iddiasına görə, qayığın anbarında 100-ə yaxın uşaq olub. İtkin düşən yüzlərlə immiqrantın axtarış-xilasetmə işləri davam edir.
