Yunanıstanda səngiməyən yanğınlar nəticəsində silah-sursat anbarı partlayıb.

İqtisadiyyat.az dünya mətbuatına istinadən xəbər verir ki, Yunanıstanın sahilyanı Nea Agialos şəhərində güclü partlayış səsləri eşidilib, sakinlər bölgədən təxliyə edilib.

Məlumata görə, Yunanıstanın Maqnisiya bölgəsində baş verən yanğınlarda vəziyyət nəzarətdən çıxıb. Nəticədə alov hərbi təyyarələrin saxlanıldığı sursat anbarına çatıb, partlayış baş verib.

Partlayışın təsirindən ətrafdakı evlərin şüşələri sınıb.

Güclü külək səbəbindən yanğın sürətlə yayılmaqda davam edir.