Yunanıstanda yerləşən üç ölkənin səfirliklərinə bomba təhlükəsi ilə bağlı xəbərdarlıq edilib.
Bu barədə İqtisadiyyat.az xarici mediaya istinadən xəbər verir.
Məlumata görə, yerli vaxtla saat 10:45-də “Skai” telekanalına zəng daxil olub. Naməlum şəxs ABŞ-nin Yunanıstandakı səfirliyinə bomba qoyulması barədə məlumat verib. Daha sonra “Kontra” və “Open TV” telekanallarına da eyni məlumat daxil olub. Onlara İsrail və Misirin səfirliklərinə bomba qoyulması barədə məlumat verilib. Həmçinin parlament telekanalına da analoji çağırış edilib.
Zəng edən şəxs partlayışın eyni vaxtda - saat 11:30-da baş verəcəyini bildirib. Bundan sonra partlayıcı qurğuların zərərsizləşdirilməsi üçün bölmələr dərhal göstərilən ünvanlara göndərilib.
