Yoxsul ölkələr ötən il 88,9 milyard dollarlıq rekord dövlət borclarını ödəyib.

İqtisadiyyat.az xəbər verir ki, bu barədə Dünya Bankının "Beynəlxalq Borc Hesabatı"nda deyilir.

Hesabatda qeyd olunub ki, yoxsul ölkələri dəstəkləyən Beynəlxalq İnkişaf Assosiasiyasından borc götürmək hüququ olan 75 ölkə 2022-ci ildə 88,9 milyard dollarlıq rekord dövlət borclarını ödəyib.

Məlumata görə, bu ölkələrin faiz ödənişləri son 10 ildə 4 dəfə artıb və ötən il 23,6 milyard dollarla tarixin ən yüksək səviyyəsinə çatıb.

Hesabatda, qlobal faiz dərəcələrində son 40 ilin ən böyük artımının yaşandığı bir dövrdə inkişaf etməkdə olan ölkələrin dövlət borclarını ödəmək üçün rekord məbləğdə - 443,5 milyard dollar xərclədiyi bildirilib.

Bundan əlavə, Türkiyənin ümumi xarici borcunun 2021-ci ildəki 437 milyard 507 milyon dollardan 2022-ci ilin sonunda 458 milyard 699 milyon dollara çatdığı qeyd olunub.

 

Gözəl Həşimova