Asiya regionu 2050-ci ilə qədər iqlim dəyişikliyinə görə ən böyük iqtisadi itkilərə məruz qalacaq.

İqtisadiyyat.az xəbər verir ki, bu barədə Dünya İqtisadi Forumunun analitikləri məlumat açıqlayıblar.

Ekspertlərin fikrincə, Asiyada iqlim dəyişikliyindən ümumi iqtisadi itkilər 3,5 trilyon dollar təşkil edə bilər.  Ən çox zərər çəkmiş regionlar siyahısında ikinci və üçüncü yerləri Avropa və Cənubi Amerika tutacaq - bu bölgələrə dəyən zərər müvafiq olaraq 2,6 və 2,2 trilyon dollar həcmində qiymətləndirilir.

2050-ci ilə qədər bütün regionlar üçün ümumi iqtisadi itkilər 12,5 trilyon dollar təşkil edəcək.

Tədqiqatçılar qeyd ediblər ki, iqlim dəyişikliyi 14,5 milyon insanın həyatı bahasına başa gələcək. Ən təhlükəli təbii fəlakətlər daşqınlar və quraqlıqlar olacaq.

 

Gözəl Həşimova