"Facebook", "Instagram" və "WhatsApp"ın sahibi "Meta"nın "Twitter"ə rəqib olan yeni sosial media platforması "Threads"in istifadəçi sayı 100 milyona çatıb.

İqtisadiyyat.az dünya mediasına istinadən xəbər verir ki, "Apple" başda olmaqla bir çox şirkət bu sosial şəbəkədə rəsmi hesablarını açmağa başlayıb.

İlk olaraq "Apple News" "Threads"a qoşulub və şirkət hələ heç nə paylaşmasa da, artıq platformada çoxlu izləyicilər qazanıb. Qısa müddət sonra yeni platformaya "Apple Books", "Apple Music", "Beats by Dre" və musiqi tanıma proqramı "Shazam" da qoşulub.

Əlavə edək ki, "Threads" istifadəyə verildikdən sonra böyük maraqla qarşılansa da, " Twitter" "Meta"nı bu platformaya görə məhkəməyə verməklə hədələyib.