“Himayədar ailəyə götürdükləri uşaqlar üçün veriləcək aylıq və birdəfəlik müavinətlər təyin ediləcək”. 

İqtisadiyyat.az xəbər verir ki, bu fikirləri əmək və əhalinin sosial müdafiəsi nazirinin müavini Vüsal Nəsirli Milli Məclisin Əmək və sosial siyasət komitəsinin iclasında bildirib.

Onun sözlərinə görə, müavinətlərə ölkə üzrə uşaqlar üçün nəzərdə tutulan yaşayış minimumu və uşaqların sağlamlıq vəziyyətindən, yaşından, sayından asılı olaraq müəyyən edilmiş əlavə stimullaşdırıcı məbləğlər daxildir. 

Komitənin sədri Musa Quliyev isə əlavə edib ki, müavinətlərin məbləğinin nə qədər olacağı ilə bağlı suallar olur: “Qeyd edə bilərəm ki, müavinətlərin məbləği mövcud övladlığa götürmə və valideyn himayəsindən məhrum olmuş uşaqlara verilən müavinətlərin məbləğindən az olmayacaq, hətta həmin müavinətlərin məbləğindən çox olacaq. Bilirik ki, himayədar ailə modeli ilə əlaqəli iki müavinət növü təsis edilir. Biri aylıq, digəri mövsümi geyimləri təminat üçün veriləcək”.