150-dən çox aviaşirkət Yaxın Şərqdə vəziyyətin gərginləşməsi ilə əlaqədar hava məkanının bağlanması səbəbindən marşrutu dəyişmək və ya uçuşları ləğv etmək məcburiyyətində qalıb.

İqtisadiyyat.az bu barədə "Financial Times"a istinadən xəbər verir.

Qeyd edilib ki, İsrailin İrana hücumundan sonra iri aviaşirkətlərin səhmlərinin qiymətləri aşağı düşüb. Avropanın aviaşirkətləri isə daha çox zərər görüb.

Bildirilib ki, son eskalasiyadan sonra Yaxın Şərqdə 3000-dən çox reys ləğv edilib. Təyyarələr İran, İraq və Suriyanın hava məkanından yayınaraq Misir və Səudiyyə Ərəbistanı üzərindən uçur.

Marşrutun dəyişdirilməsi daha yüksək yanacaq xərclərinə və daha uzun uçuş vaxtlarına, həmçinin cədvəlin pozulmasına gətirib çıxarır. Bundan əlavə, "Brent" markalı neftin qiyməti bahalaşıb ki, bu da yanacağın qiymətinin artmasına səbəb olacaq.

 

Gözəl Azadəliyeva