Yaponiya hidrogen tədarükünə 107 milyard dollar sərmayə qoymağı hədəfləyir.

İqtisadiyyat.az türk mediasına istinadən bildirir ki, bu hədəf Yaoniyanın "Əsas Hidrogen Strategiyası"nda yer alıb. Yaponiya hökuməti 15 il ərzində dövlət və özəl sektordan hidrogen tədarükünə 15 trilyon yen (107 milyard dollar) investisiya yaradacaq.

Yeni strategiyaya əsasən, 2030-cu ildə 3 milyon tona çatdırılacaq hidrogen tədarükü 2040-cı ildə 12 milyon tona, 2050-ci ilə qədər isə 20 milyon tona çatdırılacaq.

Bundan başqa, dövlət və özəl sektorun hidrogen istehsalında daha fəal iştirak etməsi üçün stimullar yaradılacaq.

2050-ci ilə qədər "xalis 0 karbon" hədəfinə nail olmağa çalışan Yaponiya istixana qazı emissiyalarına səbəb olmayan hidrogenin kommersiyalaşdırılmasını genişləndirəcək.