Yaponiyanın ötən il ümumi daxili məhsulu (ÜDM) 1980-ci ildən bəri ən aşağı səviyyəyə enib.

İqtisadiyyat.az xəbər verir ki, bu barədə Yaponiya Nazirlər Kabineti məlumat yayıb.

Məlumata görə, ötən il Yaponiya ÜDM-i 4,26 trilyon dollar təşkil edib. Hesabat dövründə ölkənin ümumi daxili məhsulu 2021-ci illə müqayisədə 770 milyard dollar azalıb. Buna səbəb isə ölkə valyutasının kəskin dəyər itirməsidir.

Buna baxmayaraq, Yaponiya ABŞ və Çindən sonra dünyanın 3-cü ən böyük iqtisadiyyatı mövqeyini qoruyur. Lakin Beynəlxalq Valyuta Fondunun hesablamalarına görə, bu il Almaniyadakı iqtisadi artım Yaponiyanı geridə qoya bilər.

 

Gözəl Həşimova