Yaponiyada 100 yaşdan yuxarı sakinlərin sayı 95,1 mini ötüb.
İqtisadiyyat.az xəbər verir ki, bu barədə ölkənin Səhiyyə, Əmək və Rifah Nazirliyi məlumat yayıb.
Bildirilib ki, bu, 1963-cü ildən bəri ən yüksək göstəricidir. Qeyd edilib ki, Yaponiyada 100 yaşdan yuxarı insanların sayı 54 ildir ki artır. Ötən il Yaponiyada 100 yaşdan yuxarı sakinlərin sayı 3 min nəfər artıb. 100 yaşdan yuxarı yaponların 88%-dən çoxu qadınlardır.
Ölkədə, həmçinin planetin ən yaşlı insanı, 1908-ci ildə anadan olmuş 116 yaşlı Tomiko İtokan yaşayır.
Yaşı 65-dən yuxarı olan Yaponiya sakinlərinin sayı isə son bir ildə 20 min nəfər artaraq rekord səviyyəyə - 36,25 milyon nəfərə çatıb.
Gözəl Həşimova
