Almaniya silahlı qüvvələri və Yaponiya Quru Özünümüdafiə Qüvvələri ilk birgə quru təlimlərini 2025-ci ildə keçirməyi planlaşdırır.

İqtisadiyyat.az xəbər verir ki, bu barədə Almaniyanın müdafiə naziri Boris Pistorius "Kyodo" agentliyinə bildirib.

Onun sözlərinə görə, təlimlərin Yaponiya ərazisində keçirilməsi planlaşdırılır - bu, Almaniya və Yaponiya arasında ilk birgə quru manevrləri olacaq. Pistorius Almaniya Silahlı Qüvvələrinin rəsmi nümayəndələrinin qarşıdakı təlimləri əlaqələndirməyə başlamaq üçün bu yaxınlarda Yaponiyaya səfər etdiyini söyləyib və belə bir təşəbbüsün "qanuna əsaslanan beynəlxalq nizamın qorunmasına" kömək edəcəyini vurğulayıb. Almaniya müdafiə departamentinin rəhbəri Çinin Cənubi Çin dənizindəki hərəkətlərindən də narahatlığını bildirib.