Yaponiya hökuməti Qəzza zolağına əlavə 32 milyon dollarlıq humanitar yardım göndərməyi planlaşdırır.

İqtisadiyyat.az xəbər verir ki, bununla bağlı Yaponiyanın xarici işlər naziri Kamikava Yoko Braziliyada keçirilən "G20" xarici işlər nazirləri toplantısında çıxış edib.

Kamikava, kritik vəziyyətdə olan Qəzza zolağındakı humanitar vəziyyətdən ciddi narahat olduğunu bildirib.

Yaponiyalı nazir bəyan edib ki, ölkəsi Qəzzada yaşayan mülki şəxslərə 32 milyon dollar dəyərində əlavə humanitar yardım göndərməyi planlaşdırır. Bildirilib ki, humanitar yardım beynəlxalq qurumlar vasitəsilə regiona göndəriləcək.

 

Gözəl Həşimova