Yaponiyanın qərbində baş verən zəlzələlərin regiona vurduğu zərər 2,6 trilyon yen (17,6 milyard dollar) təşkil edir.

İqtisadiyyat.az dünya mediasına istinadən xəbər verir ki, Yaponiya hökuməti yanvarın əvvəlində bir neçə zəlzələnin baş verdiyi Noto yarımadasının qərbində zərəri qiymətləndirir.

Məlumata görə, Noto yarımadası və sahillərində baş verən zəlzələlərdə 232 nəfərin həyatını itirib. Bundan əlavə, zəlzələlər nəticəsində uçuş-enmə zolağında çatlar yaranan yerli Noto hava limanının həftə sonu yenidən fəaliyyətə başlayacağı bildirilib.

Yaponiya Meteorologiya Agentliyinin məlumatına görə, yanvarın 1-dən 5-dək Noto yarımadasında və İşikava sahillərində 5-7 bal gücündə çoxlu zəlzələlər baş verib.

 

Gözəl Həşimova