Ötən ay Rusiya ilə Yaponiya arasında ticarət dövriyyəsi ötən ilin eyni ayı ilə müqayisədə 45,2% azalaraq 676,1 milyon dollar təşkil edib.

İqtisadiyyat.az xəbər verir ki, bu barədə Yaponiya Maliyyə Nazirliyinin dərc etdiyi statistik məlumatlarda deyilir.

Ticarət dövriyyəsinin 80%-dən çoxunu təşkil edən Rusiyadan idxal 38,9% azalıb. Bu, ilk növbədə, mayeləşdirilmiş təbii qazın idxalının 7,2%, kömür idxalının isə 90,7% azalması ilə bağlıdır. Enerji resursları Yaponiyanın Rusiyadan ümumi idxalının 75%-dən çoxunu təşkil edir.

Ticarət dövriyyəsinin 20%-dən az hissəsini təşkil edən Rusiyaya ixrac 65,8% azalıb. Bu, əsasən, Rusiyaya minik avtomobillərinin tədarükünün 33% azalması ilə bağlıdır.

 

Gözəl Həşimova