Yaxın Şərq və Avropadakı münaqişələr beynəlxalq ictimaiyyət üçün kiberhücum və dezinformasiyanın yayılması kimi yeni təhlükələr yaradır, həmçinin beynəlxalq problemlərin həllinə mane olur.

İqtisadiyyat.az xəbər verir ki, bu barədə Yaponiya Xarici İşlər Nazirliyinin diplomatiyaya dair illik hesabatında deyilir.

“Dünya sabitliyi üçün tarixən vacib olan üç regiondan ikisi (Avropa, Yaxın Şərq və Şərqi Asiya) müharibə vəziyyətindədir. Bu, kiberhücumlar və dezinformasiyanın yayılması kimi yeni təhlükələr yaradır və qlobal problemlərin həlli üçün beynəlxalq əməkdaşlığa mane olur. Şərqi Asiya da daxil olmaqla Hind-Sakit okean regionunda sabitlik həmişəkindən daha vacibdir”, - sənəddə deyilir.

Bundan əlavə, hesabatda cari münaqişələr dünyanın bütün regionlarının, o cümlədən Yaponiyanın sabitliyinə və rifahına təsir edən problemlər kimi qeyd edilib.

 

Gözəl Həşimova