Xorvatiyanın müdafiə naziri İvan Anusiç 2025-ci il yanvarın 1-dən hərbi xidmətə məcburi çağırışın bərpa olunacağını açıqlayıb.
Bu barədə İqtisadiyyat.az “Associated Press”ə istinadən xəbər verir.
Məlumata görə, çağırışçılar iki ay xidmət etməli olacaqlar.
“Silahlı qüvvələrin modernləşdirilməsi müttəfiqlərimiz və NATO rəhbərliyi ilə əldə edilmiş razılaşmaya uyğun olaraq planlaşdırıldığı kimi davam edir. Xorvatiya hakimiyyəti bu cür tədbirləri Avropada gərginliyin artması, xüsusən də Ukrayna və Balkanlardakı vəziyyətlə əlaqədar həyata keçirir”, - deyə nazir bildirib.
Qeyd edək ki, Xorvatiyada icbari hərbi xidmət 2008-ci ilə qədər qüvvədə olub. Daha sonra isə könüllü xidmətlə əvəz olunub.
Sadiq Cavadov
