İqtisadiyyat.az xəbər verir ki, nazirliyin tabeliyində təsərrüfathesablı “Əsaslı Tikinti və Təchizat” Məhdud Məsuliyyətli Cəmiyyəti tikinti işlərinin icrasını “Cronos Construction” şirkətinə həvalə edib.

Bağlanılmış müqaviləyə əsasən, Xocalı Soyqırımı Memorialı Kompleksinin tikintisi 17 651 140,83 manata başa gələcək.

Kompleksin layihə-smeta sənədlərini isə “Cronos Construction” və “RT Project Group” şirkətləri 457 486 manat hazırlayıb.

Qeyd edək ki, Prezident İlham Əliyev bu ilin fevralın 25-də Azərbaycan xalqına qarşı törədilmiş soyqırımının beynəlxalq səviyyədə tanıdılması və Xocalı faciəsi qurbanlarının əziz xatirəsinin əbədiləşdirilməsi məqsədilə Xocalı şəhərində Xocalı Soyqırımı Memorial Kompleksinin yaradılması haqqında sərəncam imzalayıb. Bununla bağlı 2025-ci ilin dövlət büdcəsində işğaldan azad edilmiş ərazilərin yenidən qurulması və bərpası üçün nəzərdə tutulan vəsaitdən 18,3 milyon manatı Mədəniyyət Nazirliyinə ayrılıb.