"Xıllı Balıq" şirkəti balıqları süni qidalarla yemləyəcək.

İqtisadiyyat.az xəbər verir ki, şirkət süni balıq qidalarının alınması ilə bağlı tender elan edib.

Belə ki, elanda 75 kq canlı balıq yemi olan Artemiya salina, 47 tona yaxın isə süni nərə balıq yemin alınması göstərilib.

Ümumilikdə isə yemlərə 248 min manata yaxın vəsaitin sərf olunacağı ehtimal edilir.

Qeyd edək ki, "Xıllı Balıq" Məhdud Məsuliyyətli Cəmiyyəti Neftçalada 2003-cü ildən istismara verilib.

Zavodda nərə cinsli balıqların dörd növü – bölgə, nərə, kələmo və uzunburunların süni yolla artırılır.