“Elektronlaşan və elektronlaşmayan qurumlarda vahid məlumat bazası yoxdur”.

İqtisadiyyat.az xəbər verir ki, bu sözləri Sosial Tədqiqatlar Mərkəzinin “Dövlət orqanlarının göstərdikləri xidmətlər üzrə keyfiyyət və məmnunluğun qiymətləndirilməsinə dair” analitik hesabatın təqdim olunduğu konfransda çıxış edən Sosial Tədqiqatlar Mərkəzi İdarə heyətinin sədri Zahid Oruc deyib.

Onun sözlərinə görə, elektronlaşma ilə bağlı məsələdə hələ də nöqsanlar mövcuddur və bu problemin aradan qaldırılması vacibdir:

“Elektron xidmətlərin göstərilməsində inkişafa nail olunsa da, bu sahədə bir sıra çatışmazlıqlar var. Elektronlaşan və elektronlaşmayan qurumlarda vahid məlumat bazasının olmaması tədqiqatın aparılmasına mane olur. Belə ki, xidmətlərin fəaliyyəti ilə bağlı doğru məlumat əldə etmək çətinləşir. Xidmətlərlə bağlı vaxtında yenilənmələrin aparılmaması bir sıra çətinliklər yaradır”. 

Gülşən Şərif