"Xiaomi" korporasiyası bütün dünyada smartfonların qiymətlərini qaldırmağa məcbur olacaq".
İqtisadiyyat.az xəbər verir ki, bu barədə Çinin "MyDrivers" nəşri məlumat yayıb.
Məlumata görə, Şirkətin 2023-cü ilin dördüncü rübü üçün maliyyə hesabatında "Xiaomi" 51% artımla 4,73 milyard yuan xalis mənfəət əldə edib. Smartfon satışından əldə olunan gəlir 21% artaraq 44,23 milyard yuana çatıb. Korporasiya birjaya çıxdıqdan sonra mənfəət rekord həddə çatıb.
Smartfonun orta qiyməti illik müqayisədə 19% artıb. Bununla belə, brendin telefonları 2024-cü ildə də bahalaşmağa davam edəcək. Xüsusən "Xiaomi Qrupu"nun prezidenti Lu Veybinq bildirib ki, şirkət smartfonları daha bahalı və keyfiyyətli materiallarla təchiz edəcək.
Çində "Xiaomi" premium cihaz bazarının 20%-dən çoxunu tutur. Şirkət həmçinin 28,2% bazar payı ilə premium smartfonlar seqmentində lider olub.
Sadiq Cavadov